28 февраля день памяти Преподобного Пафнутия, затворника Печерского, Иконы Богородицы Виленская

Пафнутий Печерский, затворник

Память 15 февраля, в Соборе преподобных отцев Киево-Печерских Дальних Пещер (28 августа) и в Соборе всех преподобных отцов Киево-Печерских. Непрестанно плакал и вздыхал всю свою жизнь о времени разлучения души с телом, как окружат человека Ангелы и духи злобы, покажут все его дела – добрые и злые, напомнят ему о всех его мыслях и желаниях, о том, что он забыл и чего не считал за грех.

Но блажени плачущие, яко тии утешатся (Мф.5:4). И преподобный Пафнутий при кончине своей увидел лики Ангельские, которые, приняв его душу, вознесли ее на небо. Мощи его покоятся в Феодосиевых пещерах. Его имя вспоминается в 8-й песни канона: «Плачущих поминая блаженство, Пафнутие, всегда плакал еси, ныне же радостная наследив места, молися тамо и нам в кров безплачевный вселитися».

Тропарь преподобного Пафнутия, затворника Печерского, в Дальних пещерах   глас 2

Велия веры исправления,/ в пещернем затворе, яко на воде упокоения,/ преподобне отче Пафнутие, радовался еси,/ огнем бо любве Божественныя распаляемь,/ бдением и молитвою безстрастия достигл еси/ и явился еси равноангельный на земли,/ того молитвами, Христе Боже, спаси души наша.

Кондак преподобного Пафнутия, затворника Печерского, в Дальних пещерах   глас 8

Помышляя исход души твоея/ и праведное мздовоздаяние по делом,/ непрестанными слезами умолил еси Господа/ даровати тебе неизреченных радостей наследие,/ яже уже со святыми предвкушая, Пафнутие преподобне,/ поминай и нас пред Богом, чтущих тя.

Тропарь Пресвятой Богородице пред иконой Ея «Виленской»   глас 4

Засту́пнице ве́рных Преблага́я и Ско́рая, Пречи́стая Богоро́дице Де́во! Мо́лим Тя́ пред святы́м и чудотво́рным о́бразом Твои́м, да я́коже дре́вле от него́ заступле́ние Твое́ гра́ду Москве́ дарова́ла еси́, та́ко и ны́не на́с от вся́ких бе́д и напа́стей ми́лостивно изба́ви и спаси́ души́ на́ша, я́ко Милосе́рдая.

Кондак Пресвятой Богородице пред иконой Ея «Виленской»   глас 8

Взбра́нной Воево́де победи́тельная, я́ко изба́вльшеся от злы́х благода́рственная воспису́ем Ти́, раби́ Твои́, Богоро́дице, но, я́ко иму́щая держа́ву непобеди́мую, от вся́ких на́с бе́д свободи́, да зове́м Ти́: ра́дуйся, Неве́сто Неневе́стная.

Молитва Виленской иконе Богородицы

О Всемилостивая Госпоже, Царице Богородице, от всех родов избранная и всеми роды небесными и земными ублажаемая! Воззри милостивно на предстоящыя пред святою иконою Твоею люди сия, усердно молящыяся Тебе, и сотвори предстательством Твоим и заступлением у Сына Твоего и Бога нашего, да никтоже отъидет от места сего тощь упования своего и посрамлен в надежде своей, но да приимет кийждо от Тебе вся по благому изволению сердца своего, по нужде и потребе своей, во спасение души и во з дравие телу. Наипаче же осени и огради покровом Твоим, милосердая Мати, христолюбивыя и благочестивыя власти наша, отжени от них молитвами Твоими всякаго врага и супостата, утверди житие их в мире и тишине, да и мы вси тихое и безмолвное житие поживем во всяком блазе, благочестии и чистоте: управи пути и советы их, да возсияет во днех их правда и множество мира, и да возрадуются сердца их о сущих в стране нашей, якоже сердце отца о чадех своих веселящася: удержави страну нашу во еже быти в ней Царству Христову: на супротивныя же и лукавнующыя в сердцах своих, посели пред лицем их трепет, да поне страхом вразумятся и престанут от лукавств и противлений своих. Моли, милосердая Владычице, пренебеснаго Бога, да присно Церковь Свою святую соблюдет, вышним Своим благословением архиереи наша православные укрепит, миром оградит, и святей Своей Церкви целых, здравых, честных, долгоденствующих и право правящих слово Своея истины дарует, от всех же видимых и невидимых враг, со всеми православными Христианы, милостивно избавит, и во Православии и твердей вере до конца веков неотступно и неизменно сохранит. Призирай благосердием, Всепетая, и призрением милостиваго Твоего заступления на все царство наше всероссийское, царствующыя грады наша и град сей, святую обитель сию, храм сей и духовный вертоград зде сущий, и на сия богатыя Твоя милости неоскудно изливай, Ты бо еси всесильная Помощница и Заступница всех нас. Приклонися к молитвам и всех раб Твоих, ко святей иконе Твоей зде притекающих, услыши воздыхания и гласы, имиже раби Твои молятся на святем месте сем. Аще же и иноверный и иноплеменник, зде преходя, помолится, услыши, чадолюбивая Госпоже, и сего человеколюбие, и милостивно соделай, яже к помощи ему и ко спасению. Ожесточенныя же и разсеянныя сердцы своими во странах наших на путь истины настави: отпадшия от благочестивыя веры обрати и паки святей Православней Кафоличестей Церкви сопричти. В домех людей Твоих (и во братии святыя обители сея) мир огради и соблюди, в юных братство и смиренномудрие утверди, старость поддержи, отроки настави, в возрасте совершением сущия умудри, сирыя и вдовицы заступи, утесненныя и в скорбех сущия утеши и охрани, младенцы воспитай, болящия уврачуй, плененныя свободи, ограждающи ны присно от всякаго зла благостию Твоею, и утеши милостивным Твоим посещением, и вся благодеющыя нам. Даруй же, Благая, земли плодоносие, воздуха благорастворение и вся, яже на пользу нашу дары благовременныя и благопотребныя, всемощным Твоим предстательством пред Всесвятою Живоначальною Троицею нам помогающи. Прежде отшедшыя отцы и матери, братию и сестры наша, и вся от лет древних ко святей иконе Твоей сей припадавшыя, упокой в селениих святых, в месте злачне, в месте покойне, идеже несть печаль и воздыхание. Егда же приспеет и наше от жития сего отшествие и к вечней жизни преселение, предстани нам, Преблагословенная Дево, и даруй христианскую кончину жития нашего, безболезненну, непостыдну, мирну и святых Таин причастну, да и в будущем веце сподобимся вси, купно со всеми святыми, бесконечныя блаженныя жизни во Царствии возлюбленнаго Сына Твоего, Господа и Спаса нашего Иисуса Христа, Емуже подобает всякая слава, честь и поклонение, со Отцем и Святым Духом, во веки веков. Аминь.