20 мая день памяти Первого Вселенского Собора, Воспоминания явления на небе Креста Господня в Иерусалиме, Преподобного Нила Сорского, Любечской и Жировицкой икон Божией Матери

Преподобный Нил Сорский

Ро­дил­ся в 1433 г. Мо­на­ше­ский по­стриг при­нял в Успен­ском Ки­рил­ло-Бе­ло­зер­ском мо­на­сты­ре. Про­жив неко­то­рое вре­мя под ру­ко­вод­ством опыт­но­го стар­ца Па­и­сия Яро­сла­во­ва, свя­той от­пра­вил­ся в па­лом­ни­че­ство по свя­тым ме­стам Во­сто­ка. Несколь­ко лет он про­жил на Свя­той Го­ре Афон, изу­чая тво­ре­ния свя­тых от­цов, вос­при­ни­мая их умом и серд­цем и пре­вра­щая их в прак­ти­че­ское ру­ко­вод­ство в сво­ей жиз­ни.

По­сле воз­вра­ще­ния в Ки­рил­ло-Бе­ло­зер­ский мо­на­стырь пре­по­доб­ный не остал­ся жить в нем. Но, же­лая еще боль­ших по­дви­гов, по­стро­ив се­бе кел­лию, свя­той по­се­лил­ся в 15 вер­стах от мо­на­сты­ря на ре­ке Со­ре. Вско­ре, ви­дя его стро­гую по­движ­ни­че­скую жизнь, на­ча­ли при­хо­дить к нему дру­гие ино­ки. Так воз­ник мо­на­стырь. Но устав в но­вом мо­на­сты­ре пре­по­доб­ный Нил ввел не об­ще­жи­тель­ный, а но­вый для Ру­си – скит­ский, по об­ра­зу Афон­ских ски­тов.

Пре­по­доб­ный от­ли­чал­ся край­ней нес­тя­жа­тель­но­стью. При скит­ском об­ра­зе жиз­ни пре­по­доб­ный Нил ис­клю­чал мо­на­стыр­ское земле­вла­де­ние, счи­тал, что ино­ки долж­ны жить толь­ко тру­да­ми сво­их рук. Сам же он был для бра­тии об­раз­цом тру­до­лю­бия и нес­тя­жа­ния.

Тропарь преподобного Нила Сорского   глас 4

Удалився бегая Давидски мира,/ и вся в нем яко уметы вменив,/ и в месте безмолвне вселився,/ духовныя радости исполнился еси, отче наш Ниле:/ и Единому Богу изволив служити,/ процвел еси яко финикс,/ и яко лоза благоплодна умножил еси чада пустыни./ Темже благодарственно вопием:/ слава Укрепившему тя в подвизе пустынножительства,/ слава Избравшему тя в России отшельником уставоположника изрядна,/ слава молитвами твоими и нас Спасающем.

Кондак преподобного Нила Сорского   глас 8

Любве ради Христовы удалився мирских смущений,/ радостною душею вселился еси в пустыни,/ в нейже подвизався добре,/ яко Ангел на земли, отче Ниле, пожил еси:/ бдением бо и постом тело свое изнурил еси вечныя ради жизни./ Еяже ныне сподобився,/ во свете неизреченныя радости Пресвятей Троице со святыми предстоя,/ моли, молимтися, припадающе, чада твоя,/ сохранитися нам от всякаго навета и злых обстояний/ видимых и невидимых враг/ и спастися душам нашим.

Молитва преподобному Нилу Сорскому

О преподобне и богоблаженне отче Ниле, богомудрый наставниче и учителю наш! Ты любве ради Божия удаляяся мирских смущений, в непроходней пустыне и в дебрях изволил еси вселитися и яко лоза благоплодна, умножив чада пустыни, явил еси себе им словом, писанием и житием образ всякия иноческия добродетели, и, яко Ангел во плоти пожив на земли, ныне в селениих небесных, идеже празднующих глас непрестанный, водворяешися и, с лики святых Богу предстоя, Тому хвалы и славословия непрестанно приносиши. Молим тя, богоблаженне, настави и нас, жительствующих под кровом твоим, непреткновенно ходити по стопам твоим: любити Господа Бога всем сердцем своим, Того единаго вожделети и о Том едином помышляти, мужественно же и благоискусно пратися с долу влекущими нас помыслы и прилоги вражиими и тех всегда побеждати; возлюбити всякую тесноту монашескаго жития и возненавидити красная мира сего любве ради Христовы и насадити в сердцах своих всякую добродетель, в нейже сам потрудился еси. Моли Христа Бога, да и всем православным христианом, в мире живущим, просветит ум и очи сердечныя, еже ко спасению, утвердит их в вере и благочестии и в делании заповедей Своих, сохранит от лести мира сего и дарует им и нам оставление грехов и к сим приложит, по неложному обетованию Своему, и вся потребная нам ко временному животу. Да в пустыне и в мире жительствующе, тихое и безмолвное житие поживем во всяком благочестии и чистоте и Того усты и сердцем прославим купно со Безначальным Его Отцем, и Пресвятым и Благим и Животворящим Его Духом всегда, ныне и присно, и во веки веков. Аминь.

Тропарь Божией Матери пред иконой Ее Жировицкой

глас 5

Пред святою Твоею иконою, Владычице,/ молящиися исцелений сподобляются,/ веры истинныя познание приемлют/ и агарянская нашествия отражают/ Темже и нам, к Тебе припадающим,/ грехов оставления испроси,/ помыслами благочестия сердца наша просвети/ и к Сыну Твоему молитву вознеси/ о спасении душ наших.

Ин тропарь особый Божией Матери пред иконой Ее Жировицкой

глас 2

Помощи от Тебе требующий не презри, Владычице,/ и милосердия бездну отверзи всем,/ притекающим к цельбоносней иконе Твоей./ Печали наша житейский утоли, Всещедрая,/ и от юдоли сея плачевныя/ к радости вечней верныя Твоя престави:/ Тебе бо вси стяжахом надежду и утверждение,/ милости источник, покров и спасение душ наших.

Кондак Божией Матери пред иконой Ее Жировицкой

глас 4

Величия Твоя кто исповесть,/ Пресвятая Дево,/ Творца всех Христа Бога рождшая?/ Едина бо еси Мати и Дева/ Преблагословенная и Препрославленная,/ упование наше, источник благостыни,/ верным прибежище и миру спасение.

Молитва ко Пресвятой Богородице пред иконою Ее Жировицкая

О Премилосердная Госпоже, Дево Богородице! Киима устнама прикоснуся ко святыни Твоей или киими словесы исповем щедроты Твоя, людем являемыя: никтоже бо, притекаяй к Тебе, отходит тощ и не услышан. От юности моея взысках помощи и заступления Твоего и николиже лишен бых милосердия Твоего. Зриши, Госпоже, скорби сердца моего и язвы души моея веси. И ныне, коленопреклоненно предстоя пред пречистым Твоим образом, моления моя приношу Ти: не лиши мя всесильнаго ходатайства Твоего в день скорби моея и в день печали моея заступи мя. Тока слез моих не отвратися, Владычице, и радости мое сердце исполни. Прибежище и предстательство буди мне, Милостивая, и света Твоего зарями ум мой просвети. И не токмо молю Тя о себе, но и о людех, притекающих к заступлению Твоему. Церковь Сына Твоего во благости соблюди и огради ю от злокозненных наветов враг, возстающих на ню. Архипастырем нашим посли помощь Твою во апостольстве и сохрани их здравы, долгоденствующи, право правящи слово истины Господни. Пастырем испроси у Бога, Сына Твоего, ревность и бдение о душах врученнаго им стада словеснаго и дух разума и благочестия, чистоты и правды Божественныя им низпосли. Испроси такожде, Владычице, у Господа властем предержащим и градоправителем мудрость и силу, судиям правду и нелицеприятие, всем же, притекающим к Тебе, дух целомудрия, смиренномудрия, терпения и любве. Еще же молю Тя, Премилосердная, осени страну нашу кровом Твоея благостыни и избави ю от бедствий стихийных, нашествия иноплеменников и междоусобных нестроений, да вси, живущии в ней, в любви и мире пребывающе, тихое и безмятежное житие поживут и, благ вечных молитвами Твоими унаследивше, возмогут купно с Тобою восхваляти Бога на Небеси во веки. Аминь.