14 сентября На14 сентября Начало индикта – церковное новолетие, день памяти Святого Иисуса Навина, праотца, Черниговской-Гефсиманской (1869) и именуемой "Всеблаженная" (в Казани) икон Божией Материчало индикта – церковное новолетие, день памяти Святого И

Начало индикта – церковное новолетие

Тропарь индикта, глас 2

Всея́ тва́ри Соде́телю,/ времена́ и ле́та во Свое́й вла́сти положи́вый,/ благослови́ вене́ц ле́та бла́гости Твоея́, Го́споди,/ сохраня́я в ми́ре лю́ди и град Твой// моли́твами Богоро́дицы и спаси́ ны.

Кондак индикта, глас 2

В Вы́шних живы́й, Христе́ Царю́,/ всех ви́димых и неви́димых Тво́рче и Зижди́телю,/ И́же дни и но́щи, времена́ и ле́та сотвори́вый,/ благослови́ ны́не вене́ц ле́та,/ соблюди́ и сохрани́ в ми́ре град и лю́ди Твоя́,// Многоми́лостиве.

СВЯТОЙ ИИСУС НАВИН, ПРАОТЕЦ

Свя­той Иисус На­вин по­сле смер­ти про­ро­ка Мо­и­сея был во­ждем Из­ра­иль­ско­го на­ро­да. Он за­во­е­вал обе­то­ван­ную зем­лю и ввел в нее ев­рей­ский на­род. Гос­подь явил через Иису­са На­ви­на ве­ли­кие чу­де­са. Евреи про­шли через ре­ку Иор­дан, как по­су­ху. Иису­су На­ви­ну яв­лял­ся Ар­хи­стра­тиг Ми­ха­ил. Сте­ны го­ро­да Иери­хо­на, оса­жден­но­го из­ра­иль­тя­на­ми, па­ли са­ми со­бой по­сле то­го, как Ков­чег За­ве­та об­но­си­ли во­круг го­ро­да в те­че­ние се­ми дней. На­ко­нец, во вре­мя сра­же­ния с непри­я­те­лем Иисус На­вин, по ве­ле­нию Бо­жию, оста­но­вил дви­же­ние солн­ца и про­длил день до то­го вре­ме­ни, по­ка не бы­ла одер­жа­на по­бе­да. По­сле окон­ча­ния вой­ны Иисус На­вин раз­де­лил обе­то­ван­ную зем­лю меж­ду 12-ю ко­ле­на­ми Из­ра­иль­ски­ми и после двадцатипятилетнего управления Израилем мирно скончался 110-ти лет от ро­ду (XVI в. до Р. X.), за­по­ве­дав на­ро­ду хра­нить за­кон Мо­и­се­ев. Все эти со­бы­тия из­ло­же­ны в Кни­ге Иису­са На­ви­на (гла­вы 3, 5, 6, 10), вхо­дя­щей в со­став Биб­лии.

Тропарь Пресвятой Богородице пред иконой Ея «Черниговской-Гефсиманской», глас 5

Пречи́стая Влады́чице Богоро́дице,/ упова́ние всех христиа́н,/ поне́же ина́го упова́ния не и́мамы, ра́зве Тебе́,/ Всенепоро́чная Влады́чице моя́, Госпоже́ Богоро́дице,/ Ма́ти Христа́ Бо́га моего́,/ те́мже поми́луй, и изба́ви мя от всех зол мои́х,/ и умоли́ ми́лостиваго Сы́на Твоего́ и Бо́га моего́,/ да поми́лует окая́нную ду́шу мою́/ и да изба́вит мя от ве́чныя му́ки// и сподо́бит мя Ца́рствия Своего́.

Молитва Пресвятой Богородице пред иконой Ея «Черниговской-Гефсиманской»

О, Пресвята́я Де́во, Ма́ти Христа́ Бо́га на́шего, Цари́це Небеси́ и земли́! Вонми́ многоболе́зненному воздыха́нию душ на́ших, при́зри с высоты́ святы́я Твоея́ на нас, с ве́рою и любо́вию покланя́ющихся пречи́стому о́бразу Твоему́: се бо, грехми́ погружа́еми и скорбми́ обурева́еми, взира́юще на Твой о́браз, я́ко живу́щей Ти с на́ми, прино́сим смире́нная моле́ния на́ша, не и́мамы бо ины́я по́мощи, ни ина́го предста́тельства и утеше́ния, то́кмо Тебе́, о, Ма́ти всех скорбя́щих и обремене́нных. Помози́ нам, немощны́м, утоли́ ско́рбь на́шу, наста́ви на путь пра́вый нас, заблу́дших, уврачу́й боле́зненная сердца́ на́ша и спаси́ безнаде́жныя. Да́руй нам про́чее вре́мя живота́ на́шего в ми́ре и покая́нии проводи́ти, пода́ждь христиа́нскую кончи́ну и на Стра́шнем Суде́ Сы́на Твоего́ яви́ся нам милосе́рдая Предста́тельница, да всегда́ пое́м, велича́ем и сла́вим Тя, я́ко Благу́ю Засту́пницу ро́да христиа́нскаго, со все́ми угоди́вшими Бо́гу. Ами́нь.

Тропарь Пресвятой Богородице пред иконой Ея «Всеблаженной», глас 4

Торжество́ дне́сь пра́зднуем све́тлое,/ се бо предлежи́т, о Всеблаже́нная, ико́на Твоя́ всечестна́я,/ к не́йже любо́вию се́рдца вси приходя́ще, Влады́чице,/ покланя́емся и те́пле Тебе́ вопие́м:// изба́ви нас от бед и обстоя́ний.

Кондак Пресвятой Богородице пред иконой Ея «Всеблаженной», глас 4

В пра́здник Твой соше́дшеся, ве́рнии,/ свяще́нное ко сла́ве Бо́жией торжество́ Твое́, Влады́чице,/ днесь всеблагогове́йно соверша́ем,/ любо́вию же чту́ще честну́ю ико́ну Твою́,/ Тебе́ песносло́вим вси в ра́дости:// ра́дуйся, Де́во, Честна́я, Всеблаже́нная.

Молитва Пресвятой Богородице пред иконой Ея «Всеблаженной»

О, Пресвята́я Де́во, Ма́ти Го́спода Вы́шних сил, Небесе́ и земли́ Цари́це, гра́да и страны́ на́шея всемо́щная Засту́пнице! Приими́ хвале́бное пе́ние сие́ от нас недосто́йных раб Твои́х, и вознеси́ моли́твы на́ша ко престо́лу Бо́га Сы́на Твоего́, да ми́лостив бу́дет непра́вдам на́шим и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся пречи́стому о́бразу Твоему́. Не́смы бо досто́йни от Него́ поми́ловани бы́ти, а́ще не Ты уми́лостивиши Его́ о нас, Влады́чице, я́ко вся Тебе́ от Него́ возмо́жна суть. Сего́ ра́ди к Тебе́ прибега́ем, я́ко к несомне́нней и ско́рей Засту́пнице на́шей: услы́ши нас моля́щихся Тебе́, удиви́ над на́ми вели́кия и бога́тыя ми́лости Твоя́, яви́ нам небе́сную по́мощь Твою́ и заступле́ние, и испроси́ у Бо́га Сы́на Твоего́, па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим страх Бо́жий, скорбя́щим благоду́шие, ра́дующимся воздержа́ние; нам же всем низпосли́ дух ра́зума и благоче́стия, дух милосе́рдия и кро́тости, дух чистоты́ и пра́вды. Ей, Госпоже́ Пречи́стая! Умилосе́рдися на немощны́я лю́ди Твоя́, рассе́янныя собери́, заблу́ждшия на путь пра́вый наста́ви, неду́гующия уврачу́й, ста́рость поддержи́, ю́ныя уцелому́дри, младе́нцы воспита́й, и при́зри на всех нас призре́нием ми́лостиваго Твоего́ заступле́ния, воздви́гни нас из глубины́ грехо́вныя и просвети́ серде́чныя о́чи на́ши ко зре́нию спасе́ния. Ми́лостива нам бу́ди зде и на стра́шнем суде́ Сы́на Твоего́, преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со а́нгелы и со все́ми святы́ми жи́ти сотвори́. Ты бо еси́, Госпоже́, сла́ва небе́сных и упова́ние земны́х, Ты по Бо́зе на́ша Наде́жда и Засту́пница всех притека́ющих к Тебе́ с ве́рою. Тебе́ у́бо мо́лимся, и Тебе́, я́ко всемогу́щей Помо́щнице, са́ми себе́ и друг дру́га и всю жи́знь на́шу предае́м, ны́не и при́сно и во ве́ки веко́в. Ами́нь.